- Pitsaanerpaajusarpoq tamatigut suna sunniutissaanersoq paaseriarlugu ikiorsiissutillu naleqqussassallugit. Taamaakkaluartoq aamma oqassaanga soorunami uanga naalakkersuisoqarfinniik piareersakkagut ilarivaat imatut pisoqarpat qanoq taava naatsorsuutigisinnaavarput taavalu qanoq ikiorsiisinnavugut naliginnaasumik, Pele Broberg oqarpoq.

Pele Brobergip Sulisitsisut isornartorsiuinerat nassuerutigigaa: Ikiorsiissutit siusinnerusukkut piareersinnaagaluarput

Qaammatit marluk qaangiummata Naalakkersuisunit ikiorsiissuteqartoqarnialerpoq, tamannalu sivisuallaartoq, Sulisitsisut isumaqarput. Pele Brobergip tamanna nassuerutigaa, killilersuutinullu ikiorsiissutit naleqqussarniarnerat ajornakusoortoq nassuiaatigalugu.

Inuit amerlanerpaamik 20-t katerissinnaanerannik killiliussaqarnerup kingorna qaammatit marluk qaangiuttut inuussutissarsiortunut Naalakkersuisunit ikiorsiissuteqartoqarpoq.

Sulisitsisut ikiorsiissutit nuannaarutigaa, tamatumali saniatigut qaammatit marluk atorlugit ikiorsiissutinik piareersaaneq sivisuallaarsoraat.

Inuussutissaqarnermut naalakkersuisup, Pele Brobergip (Naleraq) sivisunera aamma nassuerutigaa. Sulisitsisunulli ikiorsiissuteqartoqarumaarnera sioqqutsisumik nalunaarutigereersimallugu oqaatigaa.

20-mi ikiuut


Suliffeqarfiit katersuunnissamut killiliussamik siorna eqqugaava?


Taamaappat Naalakkersuisut ikiuutaannut nutaanut ’20-mi ikiuutit’-nut qinnuteqarsinnaavutit.

 

Naalakkersuisuisunit suliffeqarfinnut katerinnissamut killiliinerup nalaani aningaasanik annaasaqarsimasunut ikiuutit nutaat ikiuutinik ajornartoornermilu taarsigassarsinernik ilaqarput.
 

Naalakkersuisup ikiuutaat neriniartarfiuteqarnermi inuussutissarsiortunut, kiffartuussinermik inuussutissarsiuteqartunut, timersortarfinnut, katersortarfinnut allanullu atuupput.

- Ajuusaarutigaarput, soorunami qanoq imarineraa qanorlu ikiorsiorniarnerat immaqa siusinnerusukkut nalunaarutigisimasinnaagaluaripput kingusissukkut aatsaat nalunaarutigineqarmat, kisianni qularutissaanngilaq taamanili nalunaarutigigatsigut ikiorsinneqassasut, tassa piareersareeratsigit qanoq piumasaqassanerluta ikiorsiinissamut. Soorunami ajuusaarnarpoq kingusilaartukkut aatsaat nalunaarutigineqarnera tusagassiorfitsigut.

Ikiorsiissutit ataatsimoortut salliukkaat

Ingerlaavartumik allanngortoqarnera Pele Brobergip eqqaasaa tassaavoq aallaqqaammut Nuummi inuit amerlanerpaamik 20-oqqusaalernerat. Tamanna illoqarfiit pingaarnersaanni neriniartarfinni imerniartarfinnilu juullilernerani nereqatigiinnissarpassuit taamaatiinnarneqarnerannik kinguneqarpoq. Killilersuutit siorna novembarip ulluisa 13-iannit ulluisa 21-annut atuupput.

AAMMA ATUARUK Suliffeqarfinnut siorna annaasaqarsimasunut ikiorsiissuteqartoqartoq

Nunatta avannaani sumiiffinni arlalinni aamma taama killilersuisoqarpoq.

Upernavimmi Upernaviullu nunaqarfiini novembarip ulluisa 25-annit decembarip ulluisa arfineq-pingajuannut inuit amerlanerpaamik 20-usinnaatitaapput.

Kommune Qeqertalimmi Qasigiannguit Aasiaallu kommunerisaanni katerinnissamut aamma killiliisoqarpoq. Tamanna piffissami decembarip ulluisa aqqarnannit decembarip ulluisa 20-annut atuuppoq.

Taamaammat Pele Brobergip taassuma naalakkersuisoqarfimmi atorfilittaasa ikiorsiissutit ataatsimoortut piareernissaannut illoqarfiit sumiiffiillu sorliit ikiorsiissutinik pisariaqartitsinerat misissoqqaartariaqarsimallugu nassuiaatigaa:

- Pitsaanerpaajusarpoq tamatigut suna sunniutissaanersoq paaseriarlugu ikiorsiissutillu naleqqussassallugit. Taamaakkaluartoq aamma oqassaanga soorunami uanga naalakkersuisoqarfinniik piareersakkagut ilarivaat imatut pisoqarpat qanoq taava naatsorsuutigisinnaavarput taavalu qanoq ikiorsiisinnavugut naliginnaasumik.

Ikiorsiissutinik piareersimaniarsarisut

Sulisitsisullu Naalakkersuisut killilersuuteqalernerit tamaasa ikiorsiissutinik piareersimatitsisarnissaat kissaatigaat.

Ikiorsiissutinilli naleqquttunik naleqqussaaniarneq ajornakusoortoq, Pele Brobergip nassuiaatigaa, ikiorsiissutinilli nutaanik ”20-mi ikiuut”-mik taaguuteqartumik piareersimaniarsaralutit nassuiaatigaa:

- Tamatigut piviusut allanngortaraangata atorfilittallu tamatigut malinnaaniartarlutik tusarniaaqqaartarlutillu soorlu assersuutigalugu sulisitsisunut taanna piffisamik atuinartarnera qularutissaanngilaq. Kisianni neriunnaraluaqaaq soorunami tulliani killilersuutit peeriartuuneratat ilutigalugit pisariaarutissasut makkua ikiorsiissutit, kisianni taamaassanngippat soorunami aamma uagut piareersimassaagut periarfissat assigiinngitsut malinnaaffigissallugit.

- Massakkut takusinnaasarput ilugitalugu kingullermik nalimmassagarput una 20-pakkimik atilik piareerpoq arlaannik atorneqaqqilissagaluarpat killilersuilluni 20-nik inoqarsinnaanermut, massakkut takusinnaavarput suliaq atorneqaqqissinnaavoq tulliani. Tamatigut qiviagassaq allanngortoqarsimava kingullerminngaanniit? Tassa taanna sivisusinnaasoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl