- Pele Broberg isumalioqatigiissitap sulinerannut ilaatigut nunanut allanut sillimaniarnermullu tunngasut pillugit ilisimasassanik isummersuutissanillu tunniussassaqartoq qularinngilarput, Ineqi Kielsen oqarpoq.Assi: Pele Broberg

Pele Broberg isumalioqatigiissitami ilaasortanngortoq

Isumalioqatigiissitaq Ineqi Kielsenimit siulittaasuuffigineqartoq nutaamik ilaasortaqalerlunilu ilaasortanik nutaanik marlunnik suliassanut aalajangersimasunut toqqaavoq.

- Pele Broberg isumalioqatigiissitap sulinerannut ilaatigut nunanut allanut sillimaniarnermullu tunngasut pillugit ilisimasassanik isummersuutissanillu tunniussassaqartoq qularinngilarput.

Isumalioqatigiissitap siulittaasua, Ineqi Skourup Kielsen (Siumut) tusagassiuutinut nalunaarummi oqarpoq.

Partii Naleqqamit, Pele Brobergip parteeqatini Per Rosing Petersen kingoraarpaa.

AAMMA ATUARUK Atassut Tunngaviusumik Inatsisissaq pillugu Isumalioqatigiissitamiit ilaasortaajunnaarniarluni aalajangerpoq

Isumalioqatigiissitami ilaasortat nutaat marluk aamma atuutilerput, taakku ilisimasaat tunngavigalugit toqqarneqarput.

Toqqarneqartut tassaapput nunatta Washington, D.C.-imi, Sinniisoqarfiani pisortaq Inuuteq Holm Olsen aamma Sara Olsvig. Taanna USA-p nunattalu akornanni pissutsit pillugit Ph.D.-stipendiaterpoq.

- Isumalioqatigiissitap sulinera taamatut ilisimasassanik paasissutissanillu pisariaqartunik tunngaveqartuarnissaa pingaartinneqarmat immikkut ilaasortaatitanik nutaanik marlunnik toqqaasoqarpoq.

Atassutip isumalioqatigiissitamut aningaasat allamut pitsaanerusumut atorneqarsinnaasorigamigit isumalioqatigiissitamit aasaq ilaasortaatitaqarunnaarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat