Pedro Sanchezip sapaatiummat taasinermimi amerlanerussuteqarnissaa taamaallaat piumasaqaataavoq, tassa akuersisut itigartitsisunit amerlanerunissaat.Assi: Stringer ./Reuters/Ritzau Scanpix

Pedro Sanchez Spaniami ministeriuninngoqqittoq

Spaniami ministeriunerugallartoq, Pedro Sanchez, Spaniami inatsisartuni marlunngornermi taasisoqarmat ministeriunertut ingerlaannarsinnaanngorpoq.

Sanchez, socialdemokratiusoq, inatsisartuni amerlanerussuteqaqqalaarluni 167-init tapersersorneqarpoq, 165-it akerliusut. Ilaasortat akornanni 18-it taaseqataanngillat.

Sanchez inatsisartuni sapaatiummat taasisoqarnerani akuersissutigineqanngilaq, Spaniamimi inatsisartuni 350-iusuni amerlanerussuteqarniaraanni 176-init taaguunneqarnissaq piumasaqaataavoq.

AAMMA ATUARUK Spaniami socialdemokraatit saamerliillu naalakkersuisooqatigiinniartut

Ministeriunerugallartorli 47-nik ukiulik inatsisartuni nutaamik taasisoqarnerani ullumi periarfissinneqaqqippoq.

Taasinermimi tassani amerlanerussuteqarnissaa taamaallaat piumasaqaataavoq, tassa akuersisut itigartitsisunit amerlanerunissaat.

Cataloniami partii, ERC, Sanchezip tassani isumaqatigiissusiorfigisimavaa, ERC sinnerlugu ilaasortat taaseqataannginnissaat qulakkeersimallugu.

Spaniamili naalakkersuisut Madrimeersut Cataloniamilu naalakkersuisut Barcelonameersut isumaqatigiinniartussanngorput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat