Nunatsinni avataasiutaatillit kattuffiata APK-p pisortaa Peder Munk Pedersen, atorfimminit tunuarpoq. Atorfimminillu soraarneranut peqqutaasoq APK-p siulittaasuata Søren Brandtip oqaaseqarfigerusunngilaa.
Atorfimminit soraartoq Peder Munk Pedersen aamma oqaaseqarumanngilaq.
Taamaattorli APK-mit oqaatigineqarpoq Peder Munk Pedersen-ip atorfimminit tunuarnera illuatungeriit isumaqatigiinneratigut pisimasoq.
APK-p maajimi ataatsimeersuarnissaata tungaanut kattuffimmik aqutsissuugallassaaq kattuffiup siulittaasoqarfia, taanna Søren Brandtimik Henrik Leth-imillu inuttaqarpoq.