Assi: privat

Politiit: Pavia suli nassaarineqanngilaq

47-inik ukiulik, Pavia Henrik Anton Hamann Jyllandip kangiani sapaammi ullaakkulli ujaarineqartoq suli nassaarineqanngilaq.

Jyllandip kangiani politiit  KNR-imut ilisimatitsipput.

Ujaarineqartoq Ebeltoftimi najugaqarpoq. Politiilli ujaarineqartumut tunngatillugu maannamut takussutissanik nassaarsinnaasimanngillat.

Ujaarineqartoq kingullermik arfininngormat ullaassakkut nalunaaqutaq 04:30 tusarfigineqarpoq, angunni oqarasuaatikkut oqaluukkamiuk.

AAMMA ATUARUK Angut kalaaleq Jyllandip kangiani ujaarineqartoq

Pavia Hamannip angunni oqaluttuuppaa narsaammiilluni, angutaatalu tusaasinnaavaa ernini nanertisimasoq. Taamaammat angutaa kingorna politiinut sianerpoq.

Djurslandimi Assentoftip Auningillu akornanni ujaasineq ataasinngornermi ullaakkut nanginneqaraluarpoq.

Innuttaasullu saaffiginnissutigisaat aallaavigalugit politiit kinguneqanngitsumik ujaasisimagaluartut, Jyllandip kangiani Politiineersoq, Jannie Lundager ilisimatitsivoq.

Silaannakkut ujaasineq unitsinneqarallarpoq - taamaattoq ujaarineqartup ingerlaarfigisinnaasaani nakkutilliinermi assiliissutit misissorneqartussanngorlutik.

Paasissutissaateqarsinnaasut politiinut +45 87 31 14 48-mut saaffiginnissinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat