Pavia Nielsen: Hans Enoksen ajornartorsiornini paasisariaqarpaa

Naalakkersuisut siulittaasuata Hans Enoksen-ip ajornartorsiornini paasisariaqalerpaa imminullu

qiviartariaqalerpoq, aperaluni qanorngorna iliortunga?, ukiorpassuarni politikkimik sammisalik Pavia Nielsen Uummannameersoq isumaqarpoq.

- Sumiippunga qanoq iliortungaana ? Ingerlaqqittariaqarpunga imaluunniit ingerlaniaannassuunga ? Hans Enoksen imminut qiviarluni aperisariaqarpoq. Ajornartorsiornini paasisariaqarpaa, immaqami paasereersimassavaa,

Pavia Nielsen radioaviisimut oqarpoq.

Pavia Nielsen aamma isumaqarpoq partiip Siumup iluani saliisoqartariaqartoq, salitassaqassappat. Tamannalu ataatsimeersuarnikkut anguneqarsinnaasoraa.

Maannakkut naalakkersuisut katitigaanerat inuttaasalu amerlassusiat eqqarsaatigalugu Siumut Inuit Ataqatigiinnit meerarsiaanerarpaa:

- Naalakkersuisut qiviaraanni Inuit Ataqatigiit sisamanik naalakkersuisuutitaqarput. Siumut partiini annersaaniaasaarluni marluinnanngorput, Hans Enoksen-i Tommy Marø-lu, naalakkersuisuni ataatsimiittarnerni

ikinnerussuteqalerput, tamanna assut imaannaanngitsuussaaq, Pavia Nielsen oqarpoq.

Jens Napâtûp Rasmus Frederiksen-illu tuniarnerisa kingorna Hans Enoksen-ip tigumissarpassuaqalernera pillugu Pavia Nielsen oqarpoq:

- Nunap naalagaatut, nunap ataatsimoortillugu aqunniarnerata saniatigut annertuupilorujussuarnik

tigummisaqarpoq, taamaattumik imaannaangitsupilorujussuuvoq oqimaallunilu.

- Qiviagaq tamarmi suliassaq, tassaqaluunniit Hans Enoksen sinittarpa ? Pavia Nielsen naggataagut aperivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat