Pavia Hamannip timaa nassaarineqartoq

Toqungasoq nassaarineqartoq februaarip qulinganili tammaaneqartoq kalaaleq 47-nik ukiulik Pavia Hamanniusoq KNR-imit Østjyllandimi politiit attaveqarfigigatsigit uppernarsarpaat.

- Atikkersorsimanera inuttullu pappiliaataasa ersisippaat taannaasoq. Tamaanilu tammaaneqarnikuulluni, pigaartoq Michael Ørum oqarpoq.

AAMMA ATUARUK Danskit politiivisa Pavia ujarfissarsigaat

Toqungasup timaa imaaniinnera sivisummat inuttaata ilisariniarnera ajornakusoorsimavoq, taassuma ataasinngorpat kinaassusersineqarnissaa pissaaq.

Pavia Hamannip ilaqutai politiinit attaveqarfigineqareerput.

Pigaartup oqarnera naapertorlugu pinerluttoqarsimaneranik takussutissaqanngilaq, taaamaattorli pinerlussimanermi nakorsat paasiniaasartuanit ataasinngorpat uppernarsarneqarumaarpoq.

AAMMA ATUARUK Pavia suli nassaarineqanngilaq