Pave Benedikt 16-iat maannakkorpiaq Tyrkiemi angalavoq.
Pave-p taamatut tikeraarnernini neriuutigaa kristumiut muslimillu akornanni paaseqatigiittoqarneranik pilersitsiumaarluni.
- Tikeraarninnut siunertaraara oqaloqatiissinnaanermik qatanngutigiinnermik kiisalu kulturikkut upperisaqarnikkullu assigiinngissuteqaraluarluni paaseqatigiissinnaanerup oqariartuutiginissaa, Pave Rom-imiit aallalernermini taama oqarpoq.
Ullualuit matuma siorna Tyrkiemi tusagassiutitigut Pave sakkortuumik isornartorsiorneqaqattaarpoq tamanillu aalassassutigineqarluni.
Pavep oqalugiaammi ilaani itsarsuaq kristumiut kaasarerisimasaat assersuusiullugu Islamit upperisaat isornartorsiorpaa.