Pavarotti toquvoq
Nunarsuaq tamakkerlugu tusaamasaq Italiamiu Luciano Pavarotti toqusimavoq.
Allattoq Elisa Isaksen
Qatituup tullianik erinarsortartoq nunarsuaq tamakkerlugu tusaamasaq Italiamiu Luciano Pavarotti toqusimavoq. Taama nalunaarput nutaarsiassaqartitsiviit AP aamma Reuter.
Pavarotti siorna aqajaqqumi sanilequtaatigut qinersimini kræfteqartoq paasineqarpoq. Pavarotti 71-inik ukioqarluni toquvoq, qimatarai nuliani paninilu sisamat.