Paul Ukaliq Canadap Inatsisartuinut qinigassanngortippoq

Nunavummi naalakkersuisunut siornatigut siulittaasuusimasoq, inatsiseqarnermullu naalakkersuisuusimasoq, aamma Nunavummi inatsisartunut siulittaasuusimasoq, Paul Okalik, Nunavummi politikkikkut ukiut qulit sinnerlugit suliniuteqareerluni, Canadap inatsisartuinut qineqqusaarniarluni aalajangersimavoq.
Allattoq Mads Lynge
apriilip 08-at 2011 05:48

Canadami inatsisartunut maajip aappaani qinersisoqartussaavoq, partiilu liberalit sinnerlugit Okalik qinigassanngortinniartoq, aviisip Edmonton Journalip nittartagaani atuarneqarsinnaavoq.

Nunavut sinnerlugit Canadap inatsisartuini maanna ilaasortaq Leona Aglukkaq, konservatiivit sinnerlugit ilaasortaq, taamaasilluni unammillerteqalerpoq, Okalillu oqaatigaa anguniagaq imaannaanngitsuusoq:

- Unammilliagassaqarpoq, Okalik, tusagassiortunik Iqalunni pingasunngormat katersortitsinermi oqarpoq, nangillunilu:

- Siornatigulli tamanna misilinnikuunngilara, qineqqusaarnissamullu qilanaarpunga, tapersersuiniarlutillu nalunaartut amerlasuut nuannaarutigeqaakka, Paul Okalik, aviisimut Edmonton Journalimut oqarpoq.