Paul Okalik qinigaaqqippoq
Nunavumi qinersineq ippassaq naammassimmat Paul Okallup tusagassiortunik katersortitsinermi oqaatigaa Nunavumi innuttaasut tamarmik assigiimmik akissaateqalernissaat pimoorullugu sulissutiginiarini. Nunavumi inatsisartuni qulinik ilaasortaqartussami 15-it qiningassanngortipput. Qineqqinneqartut marluinnaapput, tassalu naalakkersuisut siulittaasuat Paul Okalik aningaasaqarnermullu naalakkersuisoq Louis Tapardjuk.
- Qinerneqartut nutaat arfineq pingasuupput, Nunavullu inatsisartuini qinersinerni aatsaat taamak amerlatigisut taarserneqarput. Qinigaarlaat qularnanngitsumik suliniutissat nutaat annertuumik sunniuteqarfigissavaat, inuusuttummi suliffissaarusimaneri ikiaroornartunillu atuineri qinigaarlaat arlallit akiorniarlugit qineqqusaaramik. Nunavumi inatsisartut nutarterneqartut pissangagineqarlutik suliassatik aallartileraluttuarpaat, Marianne Stenbæk Canadamit taama ilanngutassiivoq.
