Nunavumi naalakkersuisut siulittaasuata Paul Okalik-up
pisinnaatitaaffiit arlallit namminersulernissamut immikkoortoqarfimmut nuunneqarnissaannut. pilersaaruteqarpoq.
Pilersaarutaa ateqarpoq ”Northern Vision” – Avannaanut tunngatillugu takorluugaq.
Nunavummi Northwest Territories-illu nunavittaani pinngortitamit pisuussutit, minnerunngitsumillu aatsitassarsiorfinniit isertitat pilersaarusiornikkut qulakkeerneqarnissaat anguniarneqarpoq.
Taamatut pisoqarnissaa qulakkeerniarlugu, nutaamik tunniussinissamik isumaqatigiissusiortoqassaaq nunap immikkoortuani naalakkersuisut peqatigalugit – suliassarlu tamanna ajornaatsuinnaanngilaq, immikkoortortaqarfiimmi arlallit sakkortuummik akerleriissutigineqarmata nunap inuuisa piumasaqaa-taannut tunngassuteqartut:
Namminersulernerunissamut akiliutigineqartussaq annertunerusumik isumaqatigiinngissutaavoq.
Aatsitassarsiorfiit suli aningaasatigut iluanaarutaalersimanngillat, nunallu immikkoortoqarfiani naalakkersuisut taamaattumik tunniussinissamik isumaqatigiissummi akileeqataasariaqartut piumasarineqarluni.
Paul Okaliup oqarnera malillugu ”Northern Vision” tassa Avannaanut tunngatillugu takorluugaq, pitsaasumik nassataqartussaavoq – pinngortitap tunniussinnaasaanut isumannaatsumik aningaasalersuisinnaassalluni.
Canadap avannaatatungaa nunap immikkoortuinut tunngatillugu akerleriiffiunngitsoq – avannaalu silaannaap pissusaata allanngornissaanut piareersimasoq kiisalu Canadap naalagaaffia kisermaassilluni oqartussaanermik atuutilersitseqa-taassalluni nunani issittoqarfiusuni. Allatut oqaatigalugu – Sullualuk sikoqanngitsoq nakkutilleeqataaffigineqalissammat.