Paul Okalik-ip EU-mi aallartitat ataatsimeeqatigai
marsip 27-at 2006 16:59
Nunatsinni naatsiianik naatitsisinnaanngilagut. Puisit nerisatsinnut pingaarnerpaanut ilaapput.
Taama oqarpoq Nunavumi naalakkersuisut siulittaasuat Paul Okalik, ullumi canadarmiut puisinniartarnerannik illersuilluni. Associated Press ullumi taama allaaserisaqarpoq.
Okalip naqissuserpaa puisinniarneq tv-kkut takusartakkatsitut puiseeqqanik piniarnermut tunngassuteqanngitsoq.
- Puisinniartarneq natsernut inerissimasunut tunngassuteqarpoq, amiilu tunisiffissaqanngippata igiinnarneqartussaapput, Okalik oqarpoq.
Okalik Bruxelles-imiippoq EU-mit aallartitat ataatsimeeqatigiartorlugit. Ataatsimiinnerni nunani issittuni ajornartorsiutit qaqilerpai, puisinniarneq kisiat pinnagu aammali nunarsuup kiatsikkiartornerata sunniutai qaqilerlugit.