Paul Okalik Europami angalaassamaarpoq

Nunavumi naalakkersuisut siulittaasuat, Paul Okalik, Europamut angalaassamaalerpoq. Europamiut puisinniarnermut akerliusut killinniarsariniarpai, oqarluni, puisit amiinik assigisaannillu tuniniaasarnerup inerteqqutigineqarnissaa isumassarsiatsialaanngilluinnartoq. Nunatsiaq News taama allappoq.

Paul Okalik-up upernaarumiit angalanissani naatsorsuutigaa, anguniagaalu tassaavoq puisit amiinik assigisaannillu nunarsuaq tamakkerlugu tuniniaasarneq Nunavumi pinngitsoorneqarsinnaanngitsoq paasisitsiniaassutigissallugu.

Paul Okalik-up Europami angalaarniarnera Mary Simonimit tapersersorneqarpoq, Mary Simon Inuit Tapiriit Kanatami præsidentiuvoq, Inuit Tapiriit Kanatami Canadami inuit kattuffiisa immikkoortortaraat.

- Puisit amiinik assigisaannillu niuernerup ingerlatiinnarneqarnissaanik suliniut tapersersorparput. Puisit pillugit uagut paasissutissaativut Haagimi, Londonimi, Bruxellesimi Berlinimilu sapaatip akunnerini aggersuni oqaluttuarissavavut, Mary Simon Nunatsiaq Newsimut oqarpoq.

Sulianik puisineersunik niuerneq Belgiap inerteqqutigaa, kisianni aamma Tyskland, Italia Hollandilu inerteqquteqalersitnissamik eqqarsaateqarput.