Paul Newman toquvoq
Filmiliaritittartoq tusaamasaq taanna angerlarsimaffimmini Westportimi Connecticutimiittumi ippassaq toquvoq.
Newman Oscarinnattussatut quleriarluni innersuunneqartarsimavoq, taamalumi 1987-imi nersornaat pilerigineqaqisoq taanna pissarsiaraa, filmimi “The Color of Money”-mi filmiliaritinnini Oscarinnassutigigamiuk.
Oscarinnannermi saniatigut Newman filmiliaritittartutut arlalinnik nersornaatisisarpoq, ilaatigut marloriarluni Golden Globe Awards-innappoq, ataasiarluni Cannes Film Festival Pris-innalluni ataasiarlunilu Emmy-nnalluni.
Paul Newman filmiliaritittartuunermi saniatigut filmiliornermi ilitsersuisartuuvoq, bilinik sukkaniuttartuulluni kiisalu bilinik sukkaniuttartoqatigiinnik piginnittuulluni.