Pasisat aqqanillit unnerluutigineqarput

Timmisartunik Tuluit Nunaanniit Amerikap tungaanukartunik qaartartumeeriniarlutik pasisat 23-t ilaat aqqanillit, peqqarniisaarniartartutut unnerluutigineqarsimasut Londonimi unnerluussisussaatitaasut ullumi nalunaarput.

Londonimi politiit peqqarniisaarniartartunik akiuiniaqatigiivisa pisortaat, Peter Clarke, oqarpoq, politiit sukumiisumik misissuinermi sakkut qaartartuliornermi atortakkat, inuillu upperisartik pillugu imminnut pilliutigalutik qaartitsisussat, videomut immiunneqarneri nassaarisimagaat.

Arfineq-pingasut peqqarniisaarniarnissartik anguniarlugu peqatigiinniapiluttutut unnerluutigineqarsimasut, pingasullu Tuluit Nunaanni peqqarniisaarniartarnerup akiorniarneqarnerani inatsit 2000-meersoq malillugu unnerluutigineqarsimasut, unnerluussisoq Susan Hemming nalunaarpoq. Arnaq ataaseq unnerluutigineqarani ullumi iperagaavoq.

Tuluit muuamaamik upperisallit 23-t aggustip ulluisa qulinganni tigusarineqarut sinneri aqqanillit suli tigummigallagaapput, taakku unnerluutigineqassanersut ilisimaneqanngilaq.