Pasisap paarigallarneqarnera sivitsorneqartoq
Birnamut suliami pasineqartup aappaa iperagaasoq, islandimi tusagassiuutit ullumi allaaseraat. Birna Brjánsdóttirmulli toqutsinermut suliami pasineqartup aappaata paarigallagaanera ullunik 14-inik sivitsorneqartoq, islandimi tusagassiuutit Morgunbladid aamma RUV maanna allapput.
Morgunbladid naapertorlugu angut kisimiitsitaalluni suli parnaarussaavoq.
Birna Brjánsdottir arfininngornermi januarip ulluisa 14-ianni periarfeerunneqarpoq, misissuinermullu atatillugu angutit kalaallit marluk kingusinnerusukkut tigusaapput. Morgunbladid naapertorlugu angut kisimiitsitaalluni suli paarnaarussaaqqavoq.
Islandimi tusagassiuutit naapertorlugu angutit marluk, iperagaasoq ilanngullugu, suliamut suli pasisaapput, tamarmillu pinngitsuunerarlutik.
Nutartigaq: Pasineqartutut tigummigallarneqartup ataatsip tigummigallarneqarnera sivitsorneqartoq, Islandimi politiit KNR-imut uppernarsarpaat. Politiit pasisap aappaanik tigummigallaanerminnik sivitsuinissamik piumasaqannginnerat peqqutigalugu pasineqarsimasut aappaa politiinit tigummigallarneqarunnaartoq, Islandimi politiit oqaaseqartartuat KNR-imut mailikkut allappoq.
AAMMA ATUARUK TUSAGASSIORFIIT: Birna pillugu suliami angut ataaseq iperagaassaaq
AAMMA ATUARUK Birnamut tunngasut
