Pasisaasoq tarnimikkut napparsimasut napparsimavissuannut inissikkallarpaat
Politiit angut 29-nik ukiulik tigusarereerpaat toqutsisimasutut pasillugu. Toqusut timaannik misissuisartoq pinerluttorsiornermilu misissueqqissaartartut Tasiilami misissuereersimalerput.
- Una suliaq matoqqasumik ingerlanneqarpoq. Taamaammat paasissutissanik annerusunik saqqummiussaqarsinnaanngikkallarpunga, politiinspektøriugallartoq Poul Petersen KNR-imut oqarpoq.
Taassumali uppernarsarpaa angut 29-nik ukiulik aamma arnaq 52-nik ukiulik ilaqutariittut.
- Ilimanarsinnaavoq ilaqutariit iluanni aaqqiagiinngittoqarneranni arnaq toqutaasimassasoq, Poul Petersen oqarpoq.
Angut 29-nik ukiulik maanna eqqarsartaatsimikkut napparsimasut napparsimmavissuanni Risskovimi inissinneqarsimavoq. Taanna aggustip qulingiluaata tungaanut tigummigallarneqarpoq tigummigallarneqarneralu qaammatinik pingasunik sivitsorneqarsinnaavoq eqqarsartaatsimigut misissorneqarnissaa pisariaqartinneqassappat.
- Nunatsinni isertitsiviit aamma pinerluuteqarsimasunut inissiisarfiit eqqarsartaatsimikkut napparsimasunut inissiivigissallugit naleqqutinngillat, taamaattumik Risskovimut inissikkallarneqarsimavoq, Poul Petersen nassuiaavoq.