Birna pillugu suliaq: Pasineqartup tigummigallarneqarnera ullumi aalajangiiffigeqqinneqassaaq
Angut pineqartoq islandimiup arnap Birna Brjánsdóttirip inuartarineqarneranut atatillugu suliamut tunngatillugu tigummigallarneqarnera sivitsoqqinneqassanersoq tamatumani aalajangiiffigineqassaaq.
Pasineqartoq immikkoortitaaqqalluni januaarip 26-anili tigummigallarneqarpoq. Marlunngormat immikkoortitaaqqajunnaarpoq Islandimilu parnaarussivimmut allamut nuutsinneqarluni.
AAMMA ATUARUK Pasineqartoq kisimiitsitaalluni parnaarussaajunnaalersoq
Eqqartuussissuserisuata illersuisup sullitami pissutissaqanngitsumik immikkoortitaaqqaneranik tamanut ammasumik isornartorsiuinerata kingorna tamanna pivoq.
Angutit nunatsinneersut marluk suliami maannamuugallartoq pasisaapput. Aappaa iperagaareerpoq suliamili suli pasineqarluni.
AAMMA ATUARUK Angutip kalaallip tigummigallarneqarnera sivitsorneqaqqippoq
Reykjavikkimi eqqartuussineq islandimi nalunaaqutaq malillugu ualimut pissaaq.
