Partiit ukiumoortumik nalunaarutaat takkussuutileruttorput

Ukiumoortumik nalunaarutit Inatsisartut Allattoqarfiannut takkussuutileruttorput, nalunaarutinik tunniussinissaq ippassamut killeqarpoq.
Allattoq Thora H. Nielsen
juulip 01-at 2014 10:42

Partiit marluk manna tikillugu suli tunniussisimanngillat, taakku tassaapput Inuit Ataqatigiit aamma Atassut.
 
Siumut 1 million koruunit sinnilaarlugit sinneqartooruteqarpoq, partiilu million koruunit affaannik akiligassaqarami akiligassaminik taamaalilluni ikililerisinnaanngorunarpoq.
 
Partiip sinneqartooruteqarneranut pissutaasutut taaneqarpoq isertitarisartagaasa amerleriarsimanerat, sulisunulli aningaasartuutigisartagai ikileriarsimasut. Taamaattoq kukkunersiuisoq Deloitte inerniliilluni allappoq Siumup akileraarutit A-t kingusinaartumik nalunaarutigisarsimagai.
 
Siornatigut eqqaariikkatsitut Partii Inuit 251.000 koruunit missaannik amigartooruteqarpoq.
 
Demokraatit ukiumoortumik nalunaarutaanni atuarneqarsinnaavoq 48.000 koruunit missaannik amigartooruteqarsimasoq, namminerli aningaasaataat 467.000 koruuniupput.
 
Partii Inuit skylder en kvart million

Inuit Ataqatigiit Atassullu ukiumoortumik nalunaarutaannik suli takkuttoqarsimanngitsoq Inatsisartut Allattoqarfiat nalunaarpoq,  tigorusullugilli attavigereersimanerarpaat. Atassut nalunaarummik tunniussaqareernikuusimagaluarpoq, taannali utertissimagaat Allattoqarfik ilisimatitsivoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk