Partiit siuttui aningaasaqarnermut ataatsimiititaliamut immikkut ittumik qinnuteqaateqarput
Puisit amiinik pisiortornermut aningaasat 3,6 millioni koruunit aningaasaqarnermut ataatsisimiititaliamut immikkut qinnutigineqarput. Immikkut ittumik aningaasaliisoqarnissaanik partiit siuttuisa aningaasaqarnermut ataatsimiititaliamut qinnuteqaatigaat, Demokraatilli siulittaasuat Jens B. Frederiksen qinnuteqaateqarnissamik tapersersuinani.
- Aningaasaqarnermut ataatsimiititaliami ilaasortat qinnuteqaammik marlunngorpat tulliani suliarinnissasut ilimanarpoq, Aningaasaqarnermut ataatsimiititaliami siulittaasoq Augusta Salling Radioaviisimut oqarpoq.
Taanna maajip 26-anut ataatsimiigiaqqusissutissanik sapaatip akunnerata ataatsip iluani, tassa maajip 19-iaatinnagu nassiussuissalluni periarfissaqarpoq.
Aalisartut piniartullu puisit amiinik apriilip aallaqqaataaniit tunisisinnaajunnaarput, tunisisinnaajunnaarnerallu maajip naanerata tungaanut sivisussuseqartussaagaluarpoq.