Partiit siulittaasuisa naalakkersuisoqarfiit amerlassusissaat ataatsimiissutigaat

Naalakkersuisunngortussat naaakkersuisoqarfiit qassiussanersut kikkullu naalakkersuisunngorumaarnersut tassa suli ilisimaneqanngikkallarpoq.

Isumaqatigiissutigineqareersorli tassaavoq, partiit meeqqat inuusuttullu atugarisaannut qineqqusaarnerminni siunnersuutaat, tassaasut erninermi sulinngiffeqartarnerup sapaatip-akunneranut 31-nut sivitsorneqarnera, meeqqat 18-iliinissat tikillugu 1.000 koruuninik katersisitsisalernissaq, atuartut 9 klassimit qummut atuarnerminnut atatillugu angajoqqaat aningaasarsiaat aallaavigalugit aningaasarsiaqalernissaat.

Meeqqanut tapisiat qaammammut 500 koruunimik qaffanneqassapput meeqqanullu atuarfianni nerisitsisarneq neqeroorutigineqartalissalluni. Meeqqat paarinerlutat ikiorserneqartarnerat nukittorserneqassaaq, ilaatigut paasissutissiinikkut.

Isumaqatigiinniartut meeqqanut ikiorsiissutissat qanoq aningaasalersorneqarnissat suli isumqatigiissuteqanngillat, Siumumeersorli Mikael Petersen oqarpoq, meeqqanut checki erninermullu atatatillugu sulinngiffeqartarneq aappaaagumit atuutilersinneqarsinnaassasoq.