Partiit siulittaasui Itisiliinermi pulaartorineqassapput

maajip 02-at 2007 17:32

Amerlanerussuteqalaaginnarlutik ippassaq naalakkersuisoqatigiilersut, Siumut Atassullu, Itisiliinermi, unnugu aallakaatinneqartussami, sammineqassapput.

Partiit pingasut ukiut aappaata affaani naalakkersuisooqatigiinnerminniit sooq avissaarpat?

Naalakkersuinermi isumaqatigiissutip nutaap nutaanngitsullu suna assigiinngissutigaat? Aamma akileraarutivut qaffassappat? Apeqqutit tamakkua ilaatigut sammineqassapput.

Itisiliineq, arfineq pingasunut tanneq aqqaneq aallartittussaq, minutsinik qulinik sivisunerussaaq, partiit Inatsisartuniititallit tamarmik peqataatitaqassammata.