Partiit siulittaasui aalisartut tapiiffigineqarnissaannik neriorsuipput
KNAPK Nuummi aalisartut peqatigalugit aalisartut piumasaat pillugit partiit siulittaasuinik ippassaq oqaloqateqarput, tamanna pillugu Nuummi aalisartut oqaaseqartitttagaat Malaaraq Bourup Nielsen ima oqarpoq.
Umiarsualivimmik assersuisut assersuinertik unitsippassuk, aalisartut piumasarisaat tamaasa atortussanngortinniarlugit partiit siulittaasuisa neriorsuutigaat, Malaaraq Bourup Nielsen oqarpoq.
Aalisakkanik suliffeqarfissuaq Royal Greenland neriorsuuteqarpoq, ukiup sinneranik saarulliit kiilumut akiisa 75 øremik qaffanneqarnissaannik, taakkualu qaavatigut Namminersorlutik Oqartussat 75 øremik tapiissuteqarniarlutik neriorsuipput, Malaaraq Bourup Nielsen partiit siulittaasuinik oqaloqateqarnerit kingorna taamatut oqarpoq. Taakkua saniatigut orsussamut tapiissutinik tunniussaqarsinnaappata taamatullu Erhversstøtemut ESU-mut aalisartut atorniarsinnaanerannut aaqqissuutissamik partiit siulittaasuisa neriorsuinerisa kingorna aalisartut umiarsualivimmik assersuinertik unitsippaat.