Assi: Nils Baum, Bureau for Inatsisartut

2015-imut aningaasanut inatsit Partiit oqaluuserisassaat

2015-imut aningaasanut inatsisissatut siunnersuut Inatsisartuni pingajussaaneerneqarluni aqagu marlunngornermi oqallisigineqalerpat, Great Greenlandimut millioninik aningaasaliiniarneq, NamminersorlutilluOqartussani sipaarniarnerit oqallisigineqartussanut ilaassapput.

Partiit naalakkersuisuutitaqartut aningaasanut inatsisissaq isumaqatigiissutigalugu atsioreeraluartut, taamaattoq  aningaasanut inatsisissaq suli qulakkeerneqanngilaq.

Peqqissutsimut Naalakkersuisoqarfimmi sipaarniarnermi Qasigiannguani, Ittoqqortoormiini Qaanaamilu napparsimmaviit napparsimmaveeranngortinneqarnissaannik siunnersuut tunuartinneqaraluartoq, Peqqissutsimut Naalakkersuisoqarfimmi allaffissornikkut 5,2 millionit koruunit sipaarutissatut nassaarineqartussaapput.

Aamma atuaruk Aningaasanut inatsimmi 50 millionit sipaarniarpaat

Aamma atuaruk Illoqqortoormiuni Qaanaami Qasigiannguanilu nakorsatut atorfiit ataannassapput

Aalisarnerup piniarnerullu aningaasaqarniarnerinut atatillugu Great Greenland aningaasarliornera pissutigalugu aningaasanik ataatsikkut tigusassanik 15 millionit koruuninik tunineqassasoq siunnersuutaavoq.

Ikerinnarsiorluni aalisarnerup ilaani pisat aappaagumit annerusumik akitsuusersorneqarnissaat aamma siunnersuutaavoq.

Ilinniartitaanerullu iluani ilinniarfiit arlallit aningaasanik annaasaqassangatinneqarput.

Aamma atuaruk Nivi Olsen: Ilinniartitaanermi sipaartoqarniarnera atuarfiit ingerlannerannut sunniuteqarnavianngilaq

Piareersarfiit kontumi ataatsimi aningaasanik annaasaqartussaagaluarlutik kontumi allami ukiumut 8 millionit koruuninik tunineqartassasut siunnersuutaavoq.

Aningaasat ilinniartitsisut akissarsiassaannut ilaatigut atorneqassapput, aammali sullivimmi sulinissamut ilinniagassanut atuartussat 250-it atuarsinnaanissaannut aamma atorneqartassapput.

Tusagassiuutit iluanni KNR januaarip aallaqqaataanit ussassaarisinnaajunnaassanersoq aamma aalajangerneqassaaq. Tamanna tusagassiuutit namminersortut ingerlalluarnerulernissaannik siunertaqartoq Naalakkersuisunit oqaatigineqarpoq.

Aamma atuaruk Andreas Uldum: Biilimut ussassaarutip peerneratigut tamat oqartussaaqataanerat innarlerneqarnavianngilaq

Ineqarnerup iluani utoqqarnut inissialiortoqarnissaa, amerlanernik kollegialiortoqarnissaa ilinniartitsinermut atortussanik haaliliortoqarnissaa siunnersuutaapput.

Tamatuma saniatigut sanaartornermut atugassaagaluit inissianut aserfallatsaaliinissamut 10 millionit koruunit atugassanngortinneqarnissaat aamma Inatsisartuni aqagu oqallisigineqassaaq.

Aningaasanut inatsit Inuit Ataqatigiinnit akuerineqarnavianngitsoq, Inuit Ataqatigiit politikkikkut oqaaseqartartua Naaja Nathanielsen oqarpoq.

Aamma atuaruk IA: Aningaasanut inatsit eqqarsaatigeqqissaagaanngilaq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat