Ippassaq raatiuaviisimi partiit nittartagaanut tunngasoq tusagaqarfigaarsi. Tassani eqqaaneqarpoq, partiit nittartagaasa qinersinisssap tungaanut qaammatit marluinnanngornerini piareersimasoqannginnera.
Ippassaq oqarpugut Attaviittut Kattusseqatigiit internet-kut nittartagaqannginneranut tunngasoq. Tamannali eqqunngilaq. Kattusseqatigiit nittartagaat qinersinissamut tunngasunik imaqarnerpaavoq, internet-milu iserfiginiaraanni adresseqarluni www.kattusseqatigiit.gl
Demokraatit internet-kut nittartagaat sapaatip akunnera qaangiuppat nutaamik taarserneqassaaq.
Demokraatit siulittaasuat Per Berthelsen oqarpoq, nittartakkamut nutaassamut inuusunnerit soqutiginnilersinniarlugit, inatsisartunut tunngasumik qupperneq spillitaqassasoq.