Socialdemokratit PD-meersut naalakkersuisoqatigineqarsinnaanissaat, Italiami partiip Femstjernebevægelsenip marlunngornermi akuersissutigaa.

Partiit marluk Italiami naalakkersuisoqatigiilerput

Italiami partiimi Femstjernebevægelsenimi ilaasortat, socialdemokratit PD-t peqatigalugit naalakkersuisoqatigiiliorsinnaanissaa akuersissutigaat.

Femstjernebevægelsenimi ilaasortat 79 procentiisa socialdemokratinik naalakkersuisoqatigiiliornissaq taasinermi akuersissutigaat.

Femstjernebevægelsenip siulittaasua Luigi di Maio taama ilisimatitsivoq.

Inuit 80.000-ngajaat taasipput.

Femstjernebevægelsen socialdemokratillu PD-meersut ukiorpassuarni akerleriissimagaluarput.

Internetikkulli attaveqaatitigut taasisoqarnerata inernerata takutippaa partiit taakku marluk Italiami naalakkersuisoqatigiiliorsinnaalersut.

Femstjernebevægelsen, partii nunassiniartunik isorinnittoq Lega peqatigalugu Italiami maaannamut naalakkersuisuutitaqarput. Matteo Salvini Legami siulittaasuuvoq.

Taanna naalakkersuisoqatigiinnit tunuarpoq, partiiata qinersisoqartuuppat angusarissaarnissaa inunnik isumasiuinerup takutimmagu.

Salvinilli pilersaarutai ajalusoorput, ministeriunerummi Giuseppe Contep partiit maannamut akerleriissimasut marluk naalakkersuisoqatigiiliorsinnaanissaat ammaassiffigimmagu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat