Folketingimut qinersineq 2015 Partiit folketingimi anguniagaat minutsit tallimat atorlugit paasisaqarfigikkit

Partiit tallimaasut folketingimi ilaasortaatitaaffimmik qanoq atuerusunnerat paasisaqarfigissallugu amigaatigaajuk? Taava minutsit 5-10-t atorlugit partiit qinigassanngortitaasa arfininngormat qinersisartunik ataatsimiititsinermi saqqummiussinerat uani takuuk.

Atassut, Demokraatit, Inuit Ataqatigiit, Partii Naleraq aamma Siumut Nuummi Katuami katersuupput qinersisartuniillu Facebookikkut inersuarmiillu apeqquteqarfigineqarlutik.

Partiit aallarniutitut saqqummiinerat uani isiginnarsinnaavat, partiit tamarmik immikkut minutsimik ataatsimik periarfissinneqarlutik sulissutiginiakkatik saqqummiuppaat. Karo Thomsen Fleischer IA-mit saqqummiivoq, Steen Lynge Atassummit, Dan Rasmussen Partii Naleraq sinnerlugu, Martha Abelsen Siumut sinnerlugu Aputsiaq Olsen Jonathansenilu Demokraatit sinnerlugit.

Naggataarutaasumillu oqaaseqartuupput Poul Hansen Demokraatinit, Aleqa Hammond Siumumit, Per Rosing-Petersen Partii Naleqqamit, Steen Lynge Atassummit kingulliullunilu oqaaseqarpoq Múte Bourup Egede Inuit Ataqatigiinneersoq.

Qinersisartunik ataatsimiititsineq tamakkerlugu uani isiginnaarsinnaavat. Partiit unnugu naapeqqittussaapput, nal. 19.30 kalaallisut nal. 21-lu danskisut. KNR tv-kkut aallakaatinneqassaaq aammalu nittartakkakkut maana aamma isiginnaarneqarsinnaassalluni.

Qinersisartunik ataatsimiititsinerit siullersaat uani isiginnaarsinnaavat, oqallinnermi tassani kalaallit Danmarkimi najugaqartut 18.000-it missaanniittut sammineqarput.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat