Partiit apeqqarissaarfigineqarnerat ullumi aallartissaaq
Allattoq Carla Davidsen
TV-kkut Radio-kkullu qineqqusaarnerit KNR-imi ullumi aallartinneqassapput.
Unnugu kalaallisut radioaviiseqanngitsiarnerani nalunaaqutaq arfineq qaangerlugu tanneq pingasunut Atassutikkut imminnut ilisaritissapput.
TV-kkut ilisaritinnerat nalunaaqutaq arfineq pingasunut ingerlanneqassaaq.
Ilisaritereernerup kingorna Atassutikkut apeqqarissaarfigineqarnerat tv-kkut radiokkullu ingerlanneqassaaq. Kingorna nalunaaqutaq qulit qaangerlugit tanneq marluniit 1 time-mik sivisussusilimmik suli politikkerusuttunut radiokkut toqqaannartumik aallakaatinneqartussamik telefonikkut politikerinut apeqquteqarsinnaapput.
Partiit allat Atassutikkut assinganik ingerlanneqartumik KNR-ikkut ulluni tulliuttuni aallakaatinneqartassapput.