Partiit aningaasaataasa inissisimanerat

Taavalu maanna qinersisoqarnissaanut partiit aningaasaataat qanoq inissisimappammitaava?

Siumukkunni allattaasup Johannes Mathiassenip qinersisoqarnissaanut partiip siumup aningaasat qassit atussanerai oqaatigisinnaannginnerarpaa. Partiili aningaasanik 915.000 koruuninik tapiiffigitissaaq.

Inuiat ataqatigiit naatsorsuutigaat, qinersinermut aningaasat 800.000 koruunit sinnerlugit atussallugit.

- Aningaasat pigisatta nungullugit atornissaat naatsorsuutigaarput, partiip siulittaasua Josef Motzfeldt oqarpoq.

Taakku angalanernut, annonce-nut, aviisiliornermut TV-liornermullu atorneqassasut ilanngullugu oqaatigaa.

Atassut sipaartariaqarnerarpoq. – Nuna tamakkerlugu ataatsimeersuaqqammerpugut, aningaasallu ataatsimeersuarnermut atungaatsiarpavut, qinersinissarli aningaasassaqartinniarsarissavarput, Atassutip siulittaasua Finn Karlsen oqarpoq.

Demokraatit siulittaasuat Per Berthelsen oqarpoq, aningaasat tapiissutigineqartut tamaasa qinersinermut atorniaritsik.

Aningaasanut inatsit 2006-moortoq naapertorlugu, millionit koruunit affaat sinnilaarlugit partii tapiiffigineqartussaavoq. Taakkulu saniatigut partii tusind-terpaalunnik aamma sipaagaqartoq ittuata oqaatigaa.

- Soorunami ukiup sinneranut aamma aningaasaqarniartussaavugut, kisianni isumaqarpugut, massakkut tassa sukataarfissanngortoq, Per Berthelsen oqarpoq.

Kattusseqatigiit sipaassanerarput. – Aningaasaateqartorujussuulluta oqarsinnaanngilavut, aningaasaannaalli kisiisa naatsorsuutigalugit qinersisoqarnissaa naatsorsuutiginngilarput, Anthon Frederiksen oqarpoq. Taakku TV-kkut qineqqusaarut namminersuutigalugu suliarilersaarpaat.

Partiit tamarmik ataatsimut isigalugit landskarsimiit 3,2 millionit koruuninik taperneqartussaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat