Partiinut tapit qaffannissaat akerlilerpaat

Allattoq Jokum Nielsen
maajip 19-at 2006 12:22

Inatsisartuni partiit amerlanerussuteqartut Atassut, Inuit Ataqatigiit Siumullu siunnersuutigaat partiinut tapiissutaasartut qaffanneqassasut, tamanna akerlilerniarlugu Demokraatit eqqissisimasumik Nuup qeqqani akerliussutsimik takutitsipput. Inuillu 80-it missaaniittut akerliunerminnik pizzatuutigalutik takutitsipput.

Partiit naalakkersuisuutitaqartut siunnersuutigaat partiit inatsisartuni ilaasortaatitaqartut tunngaviusumik 300.000 koruninik taperneqartalissasut, taakkulu saniatigut 125.000 koruuninik ilaasortamut ataatsimut tapiissuteqartoqartassasoq. Siunnersuut akuerineqarpat Demokraatit tapiissutisiaat ukiumut 475.000 koruuninik amerlissapput.