Partiinut tapiissutit toqqaannartumik tunniunneqartalissapput
Partiinut tapiissutit ukiumut 3 millionit koruuninik amerlassuseqartut, partiini siunnersortit akissarsiaannut, inatsisartuni aalajangigassatut siunnersuutit nutserneqarnerinut, qarasaasiatigullu atortorissaarutit nutarterneqarnerinut atorneqartarput. Partiinut tapiissutit inatsisartut siulittaasoqarfiannut aningaasaliissutigineqartunit tunniunneqartarput.
- Maannamut tapiissutaasartut toqqaannartumik tapiissutaanngitsutut, nerriviullu ataatigut tapiissutitut tunniunneqartarsimapput, inatsisartut siulittaasuat Josef Motzfeldt oqarpoq.
Aningaasat taakku ukiormanna ilanngullugu inatsisartut allattoqarfiannit aqunneqarsimasut, partiinut agguaanneqarput.
- Partiit allattoqarfiisa namminneq saaffiginneqqaarnatik aningaasanik atuinertik aalajangersarsinnaanngussavaat, tamannalu sipaarniarnermut aqqutaanngitsoortussaanngilaq, Josef Motzfeldt oqarpoq.
Partiit inatsisartuni ilaasortaatitaqartut tallimat ukiumut 8,5 millionit koruuninik tapiiffigineqartarput.
