Atassummut tapiissutit atornerlunneqaqqunagit aningaaserivimmut kortimik akiliuteqanngitsut, Atassummi siulittaasoq, Aqqalu Jerimiassen oqarpoq.Assi: KNR / Malik Brøns

Partiinut tapiissutit ima atorneqartarput: Akiliilernermi inuit marluk akuerseqqaassapput

Partiimut attuumassuteqanngitsunik aningaasanik atuisarsimasutut Suleqatigiissitsisuni piffissaq kingulleq oqallissutaavoq. Partiit allat uippakajaarnermut nutsernermulluunniit partiit aningaasaataat atorneq ajorpaat.

Suleqatigiisitsisuni avissaartuuttoqarpoq.

Siusinnerusukkut siulittaasuusimasup, Michael Rosingip, siulittaasuuffik tigoqqikkusuppaa, taassuma maanna siulittaasuugallartup, Tillie Martinussenip, nammineq aningaasartuutissaraluani partiip kortia atorlugu akiliuteqartarsimaneranik pasivaa.

Suleqatigiisitsisut aningaasartuutaasa ilaannut takussutissat:

 

  • Tillie Martinussenip sapigaqarneranut nakorsaaneq 3.654 kr.
     
  • Partiimi ilaasortat uippakajaarnermut ikiortinnerat 50.000 kr.
     
  • Tillie Martinussenip oqarasuaataata angallattakkap immera ukioq mannaannaq 25.500 koruunit.
     
  • Tillie Martinussenip inissiamit nutaamut nuunnera qimatallu eqqiarneqarnera 14.000 kr.
     
  • Aningaasartuutit tamarmik partiip aningaasaataanit akilerneqarput, taakkulu katillugit 100.000 koruuninut aningaasartuutaallutik.

Tillie Martinussen atornerluinnginnerarpoq siulersuisuuneqarfimmillu taperserneqarluni.

Partiilli allat tapiissutit qanoq atornissaannut maleruagassaqarpat? Aamma aningaasanik atuinialeraangamik qanoq iliortarpat?

Tamakku akissutissarsiniarlugit Atassut, Nunatta Qitorani Inuit Ataqatigiillu KNR-ip paasiniaaffigai. 

Atassutip siulittaasuat uagut kortimik akiliuteqanngilagut

Atassummut tapiissutit atornerlunneqaqqunagit aningaaserivimmut kortimik akiliuteqanngitsut, Atassummi siulittaasoq, Aqqalu Jerimiassen oqarpoq.

- Peqarnikuunngisaannarpugut. Peqqutiginerullugu massakkut inatsisigigatsigu marlunnik akuersisoqartarluta, pinngitsoorani arlaanik sumulluunniit aningaasanik atuisoqassatillugu.

Allaffimmi atortussat soorlu kuglepenit allattarfimmulluunniit tussit pisiarineqaleraangata partiip aqutsisui marluk pinngitsooratik akuersitinneqaqqaartarput.

- Akiligassat takkukkaangata allaffimminngaaniit taavalu suleqatigisatsinniit aatsaat akuerineqaraangata kontominngaaniit ilanngartaramik, Aqqalu Jeremiassen oqarpoq.

Nunatta Qitornai ersarissunik maleruagassaqarput

Nunatta Qitornai, 2018-imi aamma aallartittoq, Suleqatigiissitsisutulli Inatsisartuni ataatsimik ilaasortaqartoq, erseqqissunik maleruagassaqarpoq. 

AAMMA ATUARUK Motzfeldtip partiit avoqqaarai: Partiit tapiissutit naalakkersuinermik sulinermut atussagaat naatsorsuutigaarput

Partii aningaasartuuteqassatillugu ulluinnarni aqutsisut marluk akuersisartussaasut Nunatta Qitornaani siulittaasup oqaatigaa.

- Kikkunnit akuerineqartarnissaat ersarissumik malittarisassaqarpoq. Taamaasilluni piumasaannarmik ingerlasoqannginnissaa tassuuna pakkerneqareerpoq.

- Taavalu taassuma saniatigut aningaasartuutit ingerlanneqareersimasut aamma maleruagassagut malillugit ingerlanersut aamma qulakkeertussaavarput.

IA-p aningaasat uippajaarnermut atorneq ajorai

Uippakajaarnermi ikiorsiinermi nutsernermiluunniit partii aningaasaliineq ajortoq, Nunatsinni partiini annerpaap tulliani aaqqissuusaannermut siulittaasup tulliata oqaatigaa. Ukiullu tamaasa aningaasat sumut atorneqarnissaanut missingersuusiortoqartarpoq.

- Akuersisoqassatillugu inuit marluk akuersisussaapput aamma illu avataani bogføringertitsisarpugut. Nammineq tigumminngilagut, taamaalilluta aamma eqqunngitsumik atuisinnaasut pinngitsoortinniarlugit tamakkuninnga aaqqissugaqarpugut.

Suleqatigiissitsisut aningaasaqarnerat

 

Suleqatigiissitsisut aningaasaataasa amerlanerpaartaat Inatsisartut tunngaviusumik ilaasortaatitaqarnermullu tapiissutaanneerput. 


Partiimut Suleqatigiissitsisunut ukiumut 1,1 millionit koruunit missaat tapiissutaasarput. 


Suleqatigiissitsisut ilaasortaat 2.725 koruuninik siorna akiliuteqarput. 

Partiinut Inatsisartuni ilaasortaatitaqartunut tunngaviusumik tapiissutit ukiumut 850.000 koruuniupput. Inatsisartunilu ilaasortaatitaqarnermi ataatsimut ukiumut 275.000 koruuniullutik.

AAMMA ATUARUK Flytning, allergi og stresscoach: Det handler striden i Samarbejdspartiet om

Aningaasallu atornerlunneqannginnissaat pissutigalugu maleruagassaqarneq pisariaqartoq Vittus Qujaukitsup oqaatigaa.

- Tassa atornerluisoqannginnissaa taanna qulakkeerneqartussaavoq tassuunakkut. Minnerunngitsumillu aningaasat politikkut sulinermut atorneqarnersut tassuunakkut aamma qulakkeerneqartussaalluni.

Siumumi malittarisassat assingi atorneqarput. Siumup partiiani allatsip, Miki Jensenip oqarnera naapertorlugu inuit marluk - tassa partiimi allatsi allalu aningaasartuutinik akuersisussaapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat