Partiimit anineq assuaraat

Atassutip siulittaasorisimasaa Finn Karlsen Siumumut ippassaq nuuttoq, akisussaaffimmit qimarratiginninnerarlugu Atassutip Inuusuttasa assuaraat.
aggustip 24-at 2010 13:42

- Qinersinermi kingullermi Atassutip qinersisaasa ikileriarneranut pisuulluni qanoq Atassummit anisinnaava? Taamaaliornera akisussaaffimmik qimarratiginninnertut isigaarput, Atassutip Inuusuttai tusagassiutinut nalunaarumminni taama allapput.

Atassutip Inuusuttaasa siulittaasuata, Hans Lyberthip aamma partiimut allamut nuunneq pakatsinarnerapaa.

Siorna qinersinerup inerneri eqqarsaatigalugit, Finn Karlsen qinersisartut amerlisaqqinnissaannut suleqataasariaqaraluartoq, Hans Lyberth isumaqarpoq. Tassami oqarneratut - Finn Karlsen pisuulluni qinersisartut qimarrannikuugamik.

Finn Karlsenip partiimut allamut nuunnera Hans Lyberthip qissatiginianngilaa, naqissusiillunilu allappoq, Atassutikkut Finn Karlsenertaqaratik ingerlaqqissinnaammata.