- Taamaaliorsinnaanngilagulli, annertuumik politikkitsinnut pilliuteqarluta anngaasussiaannartut inissinneqartuarutta, Atassutip siulittaasortaava oqarpoq.Assi: KNR / Malik Brøns

Partiimi siulittaasunngoqqammersoq: Atassut partii tapersersuisuujunnaarniarpoq

Partiitut anngaasussiaannartut inissisimaannarniarunnaarpugut, Aqqalu Jerimiassen oqarpoq.

Atassutip naalakkersuisoqatigiinnik teknikkikkut suleqateqarnini unitsippaa.

Atassutip siulittaasortaava Aqqalu Jerimiassen, tusagassiutinut nalunaarummi ippassaq marlunngornermi taama nalunaaruteqarpoq.

Naalakkersuisoqatigiinnik teknikkikkut suleqateqarnermini Atassut pilliuteqarpallaartutut misigisimavoq, suleqatigiinnerlu tamanna pillugu unitsillugu.

- Massakkut suliassatut pingaarnertut inissipparput Atassutip politikkia ersarissassallugu, Aqqalu Jerimiassen oqarpoq, nangillunilu:

AAMMA ATUARUK Kinguaariit nikinnerat Atassutip neriulluarnartoqartippaa

- Taamaaliorsinnaanngilagulli, annertuumik politikkitsinnut pilliuteqarluta anngaasussiaannartut inissinneqartuarutta, Atassutip siulittaasortaava oqarpoq.

Atassut naalakkersuisoqatigiinnikkunnaareeraluartoq pituttuiniarneq suli malunnarpallaarsoraa:

- Ersarissumik massakkut politikkerput takutikkusupparput. Atassut anngaaginnartussiaaqqissanngilaq, Aqqalu Jerimiassen oqarpoq.

AAMMA ATUARUK Atassut: Ikinnerussuteqarluni naalakkersuisooqatigiinnit aninerput nuannaarutigeqaarput

Atassut naalakkersuisooqatigiinnit apriilip qulingiluaanni tunuarpoq. Taamani partiimi siulittaasup tulliata, Qulutannguaq Berthelsenip naalakkersuisooqatigiinni suleqatigiinneq Atassummut iluaqutaannginnerarlugu aamma isornartorsiorpaa, illuatungaanilli.

Atassutilli suleqataajunnaarnera naalakkersuisooqatigiit amerlanerussuteqarnissaanut periarfissanut sunniuteqanngilaq.

Naalakkersuisooqatigiit Kim Kielsen tunuliaqutaralugu ikinnerussuteqarlutik tassa Siumut aamma Nunatta Qitornai ataatsimut aqqanilinnik qinigaatitaqartut partiip Demokraatit qinigaatitai arfinillit tapersersortigalugit naalakkersuisooqatigiiginnarput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat