Partii Naleraq: Naalakkersuisut uukapaatitsipput

Naalakkersuisut akitsuutinik ukiaq manna atuutilersitsinerminni inatsisartunut eqqunngitsumik aalajangersaatitsisoqarpoq, Inatsisartunullu ilaasortanut tamanna uukapaatitsinertut isertuussinertullu taaneqartariaqarpoq. Partii Naleraq taama isumaqarpoq.
Assi © : Nils Baum, Bureau for Inatsisartut
Allattoq Mads Lynge
januaarip 05-at 2016 09:35

Nioqqutissammi assigiinngitsut akitsuusersorneqarnissaannut inatsisissatut siunnersuutip saqqummiunneqarnerani ullup atuutilerfissaa pillugu Naalakkersuisut nalunaarutaat paatsuunganartoqartoq, Partii Naleqqap siulittaasuata Hans Enoksenip oqaatigaa:

- Tassami akuersaarneqarsinnaanngilaq ilisimatitsinertaqanngitsumik inatsisartunut kingumoortumik aggustip ulluisa 20-anni 2015-imi atuutilissasut Naalakkersuisut namminneq aalajangersaanerat, tamannalu Naalakkersuisut inatsisartunut eqqunngitsumik suliamillu isertuussinertut taasariaqarpoq, tamannalu Naalakkersuinikkut attanneqarsinnaanngilaq, Hans Enoksen oqarpoq.

Akitsuutissatut siunnersuutigineqartut Inatsisartut akuersissutigippassuk ulloq taanna atuutilissasut akitsuusersuinissamut inatsisissatut siunnersuutip siullermik saqqummiunneqarnerani nalunaarutigineqariarluni kingorna kingumoortumik atuutilernissaat eqqunngitsuliornerusoq Partii Naleraq isumaqarpoq, akitsuutillu akuersissutigineqarnerat Inatsisartut siulittaasoqarfiannsit misissorneqarnissaat piumasaralugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq