Assi: KNR

Partii Naleraq: Mersortarfiup ingerlaannarnissaa sulissutigineqartariaqarpoq

Mersortarfiup Great Greenlandip sipaarniartoqarnerata kingunerisaanik matuneqarnera, Partii Naleqqamit apeqquserneqarpoq, ingerlaannarnissaalu kaammattuutigineqarluni. Mersortarfiup matuneqarnera partiip siulittaasuata Hans Enoksenip tusagassiuutinut nalunaarummi apeqquserpaa.

- Ukiuni makkunani suliffissanik pisariaqartitsinerput annertoqaaq, pingaartumik aamma nunatta kujataa eqqarsaatigalugu. Taamaattumik akuersaarneqarsinnaanngilaq Nunatta ammeriviata mersortarfia sipaarniarnikkut matuniarneqarmat, Partii Naleqqap siulittaasua Hans Enoksen taama oqarpoq.

Aamma atuaruk Puisit amiinik kavaajaliat oqaluttuaannanngussapput

Suliffissaqartitsiniarneq Nunatsinni pingaartillgu sulissutigineqartariaqartoq taassuma oqaatigaa:

 

- Nunatsinni imminut pilersornerunissarput aammalu avammut niuerutigisinnaasatta annertusartuarnissaat suliniutigiuartariaqarpoq pingaartumik aamma inuiaassutsitsinnut immikkuullarissumik ilisarnaatigut tassalu puisit amii avammut nittarsaattuartariaqarpagut, aammalu atuinikkut nioqqutissiornikkullu siuarsartuarnerisigut, Hans Enoksen tusagassiuutinut taama ilaatigut allaaserisaqarpoq.

Suliffeqarnikkut Nunatsinni annertusaajuartoqartariaqartoq Partii Naleqqap oqaatigaa, ammeriviullu mersortarfiata ammaannarnissaa kommuni suleqatigalugu sulissutigineqartariaqartoq oqaatigalugu.

- Partii Naleqqamiit Naalakkersuisut piumaffiginiarpagut isumaqarluinnaratta mersortarfiup matunissaa pinngitsoornagu aningaasaliinissaq aqqutissiuttariaqaraat kommuni peqatigalugu, Partii Naleqqap siulittaasua Hans Enoksen oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat