Assi: Nils Baum, Inatsisartoqarfik

Partii Naleraq: Inatsisartut immikkut ittumik ataatsimiigiaqquneqarlik

Naalakkersuisut qummoroortartunut mamakujuttunullu kingumut atuuttussamik akitsuusiiniarnermi suliaat, Inuit Ataqatigiinnit Partii Naleqqamiillu isornartorsiorneqarpoq. Partiilli taakku marluk isumaqatigiinnerat tamaanga killeqarpoq.

Akitsuusisoqarnissaanummi inatsisissamut suliap tukattumik ataqatigiinngitsunillu paasissutissiiffiusumik ingerlanikuunera pillugu Inuit Ataqatigiit sinnerlugit Inatsisartuni ilaasortap Naaja Nathanielsenip piumasaraa akitsuusiiniarnermut ullorisitaq Naalakkersuisut allanngortissagaat. Partii Nalerarli tassunga atatillugu piumasaraat Inatsisartunut immikkut ittumik ataatsimiigiaqquneqartariaqartut:

- Kukkorujussuarsimapput aamma qaqugu atuutilernissaanut tunngasunik paasissutissanik isertuussisimallutik tamannalu Naalakkersuisut ingerlatsineranni attanneqarsinnaanngilaq. Inatsisartut immikkut ittumik ataatsimiigiaqquneqartariaqarput, Hans Enoksen aviisimut Sermitsiamut oqarpoq.

Aamma atuaruk IA: Akitsuutit atuutilersinneqarnerinut ulluliussat allanngortinneqarlik

Qummoroortartunut, mamakujuttunullu akitsuusiiniarnermi suliamut atatillugu inatsit allanngortinneqassappat tamanna Inatsisartuni kisimik pisinnaasoq, Hans Enoksenip tusagassiuutinut nalunaarummi erseqqissaatigaa:

- Naalakkersuisulli inatsisinik allannguisinnaatitaanngillat pisussaaffik taanna Inatsisartuniimmat. Inatsisartut kisimik inatsisinik allanngortitsisinnaatitaapput, Partii Naleqqap siulittaasua Hans Enoksen, tusagassiuutinut nalunaarummi ilaatigut taama allaaserisaqarpoq.

Inatsisartut pilersaarutit naapertorlugit upernaakkut ataatsimiinnissaat marsip ulluisa sisamaanni aallartittussaavoq.

Aamma atuaruk Partii Naleraq: Naalakkersuisut uukapaatitsipput

Aamma atuaruk Qummoroortartut akii qummuinnaq ingerlapput

Aamma atuaruk Naalakkersuisut akitsuusersuiniarnertik annikillisippaat

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat