Partii Inuit: KNR-ip pisortaa kalaallisut oqalussinnaasariaqarpoq
- Danskisut tuluttullu isumaqatigiinniarnermi oqaloqatigiinnissamut qaffasissusilimmik pisinnaasaqarnissaq. Kalaallisut oqalussinnaaneq pitsaassaqaaq.
KNR pisortassarsiorlugu allagarsiineq qanittukkut saqqummiunneqartoq taama oqaasertaqarpoq.
Randi Brobergiilli tamanna naammaginartinngilaa, taanna KNR-ip siulersuisui qinnuteqartumik kalaallisut oqaasilimmik toqqaaqqullugit kaammattuuteqarluni tusagassiorfinnut ullumi nalunaaruteqarluni taama allappoq.
- Taama allappunga takusinnaagakku qinnuteqaqqusinermi kalaallisut oqalussinnaanissaq piumasaqaatigineqanngittoq, illuatungaatigullu danskisut tuluttullu oqalulluarsinnaanissaq piumasaqaatigineqarluni, Randi broberg allappoq. Taannaa aamma isumaqarpo soorlulusooq allamiumik pisortartaarnissamik siunertaqareersoqarpasittoq.
- Tamatta akilersueqataaffigisarput nunatta tamarmi Radio-a Tv-alu annerpaaq KNR ulluinnarnilu inuunitsinnut ilaalluinnartoq siuttoqartariaqarpoq, qanimut atuisut oqariartuutaannik ulluinnarnilu inuunerannik malinnaasinnaasumik oqaloqateqarsinnaasumik attaveqarsinnaasumillu, allappoq.
Atorfimmik inuttassarsiuinerup oqaasiliornera Sermitsiap nittartagaani qanittukkut aamma oqallisaavissorpoq. Qinnuteqarfissaq
maajip 24-iani killeqarpoq, siulersuisullu suleriaqqinnissaq maanna ingerlappaat. KNR-ip maannamut pisortarisimasai qulingiluaasut tamarmik kalaallisut oqaluttuusimapput.