Parnaarussivissaq mikivallaarpoq
Matoqqasumik parnaarussivik Nuummi 2014-imi 2015-imilu sananeqartussaq mikivallaartoq, Sofia Rossen folketingimi Juliane Henningsenimut paarlattaasoq, oqarpoq.
Allattoq Jaaku Lyberth
Parnaarussivik 76-inik inissalik naammassippat, kalaallit Herstedvesterimi parnaarussat 20-it tassunga nuunneqassapput. Taamaallilluni parnaarussivik paarnaarussassanut nutaanut 46-inut inissaqalissalluni.
Sofia Rossenillu isumaa malillugu mikivallaarpoq.
Parnaarussivik sananeqareerpat, pineqaatissinneqarsimasunut inissiisarfiup Nuummiittup matuneqarnissaa pilersaarutaavoq. Taassumap aammaannarsinnaanera pillugu Sofia Rossen justitsministeriaqarfimmut saaffiginninniarpoq.
Pineqaatissinneqarsimasunut inissiisarfimmiittussatut pineqaatissinneqarsimasut 240-t utaqqipput.