René Larsenip oqarnera naapertorlugu isumaqatigiissutip danskit parnaarussiviini nakkutilliisut kalaallillu pinerluuteqarsimasunut inissiisarfiini nakkutilliisut suliaasa imarisaat sulisitsisullu assigiikkaluartut akissarsiaat assigiinngissimasut assigiissilissavai.Assi: Foto: KNR

Parnaarussiviit kattuffiat: Nakkutilliisunut isumaqatigiissut pisariaqartinneqarpoq

- Pinerluuteqarsimasunut inissiisarfimmi nakkutilliisunut isumaqatigiissuteqartoqarneratigut taakku akissarsiaat qaffangaatsiassapput, taamaalillutik suliffitsik inuuniutigisinnaalissagaat neriutiginarpoq, Parnaarussiviit Kattuffiat oqarpoq.

- Nuannaarpugut. Kalaallit Nunaanni pinerluttunik isumaginnittoqarfiup ataani nakkutilliisut akissarsiaannut qaffaassuteqarnerput pisariaqartinneqarluinnarpoq.

Paarnaarussiviit Kattuffiani allattaaneq, René Larsen politikkikkut isumaqatigiissuteqarnikkut nunatsinni pinerluuteqarsimasunut inissiisarfimmi nakkutilliisut akissarsiaasa qaffannissaannut 38,4 millionit koruunit qulakkeerneqarput.

AAMMA ATUARUK 38,4 millioner kroner mere til anstaltbetjentes løn

René Larsenip oqarnera naapertorlugu isumaqatigiissutip danskit parnaarussiviini nakkutilliisut kalaallillu pinerluuteqarsimasunut inissiisarfiini nakkutilliisut suliaasa imarisaat sulisitsisullu assigiikkaluartut akissarsiaat assigiinngissimasut assigiissilissavai.

Akissarsiat sanileriisillugit:

  • Nunatsinni pineqaatissinneqarsimasunut inissiisarfimmi ukiut marluk tungaannut nakkutilliisoq tapisiat aalajangersimasut ilanngullugit 19.365 koruuninik qaammammusisarrpoq.
  • Danmarkimi paarnaarussivimmi ukiut marluk tungaannut nakkutilliosuusoq tapisiat aalajangersimasut ilanngullugit 24.769 koruuninik qaammammusisarpoq.
  • Assigiinngissutaat 5.400 koruuniuvoq.
  • Nunatsinni sulisut sapaatip-akunneranut 40 tiimit sulisarput, Danmarkimilu parnaarussivinni nakkutilliisut sapaatip-akunneranut 37 tiimit sulisarlutik.

Tusarfik: Pinerluttunik Isumaginnittoqarfik

Parnaarussiviit kattuffiata oqarnera naapertorlugu akissarsiatigut assigiinngittoqarneratigut danskit parnaarussiviini nakkutilliisut kalaallinit suleqatiminnit 4.500-t aamma 7.000 koruunit akornanni akissarsiaqarnerupput, tamannalu suliatigut peqatigiiffiup ukiuni qassiisuni ajornartorsiutaasoq suaarutigisarsimagaa, kattuffiup allattaanerata erseqqissaatigaa.

Sulisoqarniarneq ajalusuunngersaasoq

Taassuma nunatsinni nakkutilliisut 20.000 koruunit missaannik akissarsiaqartut sulileraangamillu 17.500 koruunit missaannik akissarsiaqartartut oqaatigaa.

Taamaammat nakkutilliisut aningaasaqarnerminnik ataqatigiissitsiniarlutik saniatigut suliffeqartariaqartarput. Pingaartumik Nuummi ineqarnermut aningaasartuuteqarneruffiusumi, René Larsen erseqqissaavoq.

- Isumaqatigiissuteqartoqarneratigut taakku akissarsiaq

- Isumaqatigiissuteqartoqarneratigut taakku akissarsiaat qaffangaatsiassapput, taamaalillutik suliffitsik inuuniutigisinnaalissagaat neriutiginarpoq, René Larsen oqarpoq.

AAMMA ATUARUK Aaja: Pineqaatissinneqarsimasunik nakkutilliisut akissarsiaat ilinniagaallu pitsaanerulerlik

Isumaqatigiissutip kingunerisaanik kalaallit pinerluuteqarsimasunut inissiisarfiini sulisut ilungersortut pitsaasumik sunniuteqarfigissagai tamatumalu saniatigut nakkutilliisuunissamut pilerinarnerutitsilernissaa René Larsenip neriuutigaa.

 - Sulisoqarniarneq ajalusuunngersaavoq. Nuummi pinerluuteqarsimasunut inissiisarfimmi nakkutilliisut 49-t nalinginnaasumik isumannaatsumillu ingerlatsinissamut pisariaqartinneqarput. Piffissamilu matumani 28-t missaanniittut sulisoraagut.

- Taamaammat sulisut pisariaqartinneqartut affangajaat amigaataapput, sulisorineqartullu marluk pingasorarterutaat ilinniartuupput. Piffissami matumani sulisut amerlanerpaartaat misilittagaqarluanngitsuupput. Ajornakusoortorujussuanngulernitsinni akissarsianut tunngatillugu isumaqatigiissuteqarpugut, René Larsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat