Parnaarussiveqarneq oqaluuseraat

Inatsisinik atortitsinermut danskit ministeriat, Folketingip eqqartuussiveqarneq pillugu ataatsimiititaliaa, eqqartuussiveqarneq pillugu nunatsinni Naalakkersuisoq kiisalu Inatsisartut inatsisit atortinneqarnerannut ataatsimiititaliaat ippassaq ataatsimeeqatigiimmata Kalaallit Nunaanni parnaarussiveqarneq ilaatigut oqaluuserineqarpoq.

Sakkortuumik pinerlussimasut Danmarkimi Herstedvesterimiitinneqarlutilluunniit imaluunniit tarnimikkut napparsimasut Risskovimi napparsimmavianiitinneqartarnerat kimilluunniit iluarineqanngikkaluartoq, sakkortuumik pinerlussimasut Kalaallit Nunaanni matoqqasumi parnaarussivimmiitinneqartalernissaannik takorluugaq qanilliallanngilaq.

- Tamanna tassa ajunginnerpaassagaluarpoq, ullulli marlussuit maaneereerlunga takusinnaavara immikkut ilisimasalinnik, pingaartumik soorlu nakorsanik, amigaateqartoq, pinerlussimasummi Herstedvesterimiittut Risskovimiittulluunniit immikkut ilisimasalimmit sullinneqarsinnaanngippata, Kalaallit Nunaannukartinnissaat aamma pisinnaanngilaq, tamatumunngalu aaqqiissutissamik tassa maanna eqqartuilluta aallartippugut, Inatsisinik atortitsinermut Danmarkimi ministeri, Lene Espersen, oqarpoq.

Matoqqasumik Kalaallit Nunaanni parnaarussiveqalissappat Lene Espersen checkimik atsiortariaqassaaq, Kalaallit Nunaat Danmarkilu naalagaaffeqatigiimmata, eqqartuussiveqarnermut nunatsinni tunngasut Danmarkimut aamma atammata.

Aaqiissutissaasinnaasullu Lene Espersenip Aleqa Hammondillu tassa ataatsimiissutigaat.