Assi: Kriminalforsorgen i Grønland

Parnaarussat ikittuinnaat Nuummut nuukkusupput

Pinerluuteqarsimasunut inissiisarfissaq Nuummiittussaq aappaagu upernaakkut atulerpat, kalaallit Danmarkimi parnaarussivimmi Herstedvesterimiittut 27-it taakkunannga tallimat kisimik Nuummut nuunnissaminnik kissaateqarput. Nutaarsiassaqartitsivik Ritzau taama allaaserisaqarpoq.

Kalaallit Herstedvesterimi parnaarussaaqqasut, pineqaatissinneqarsimasunut inissiisarfissamut Nuummittussamut nuunnissaminnut kissaateqarnissaannut ullormik killiliisoqanngilaq.

Kalaallit Nunaanni pinerluttunik isumaginnittoqarfimmi isumannaallisaarnermut pisortaq Thomas Fredhøj nutaarsiassaqartitsivimmut Ritzaumut oqarpoq, kalaallit Danmarkimi parnaarussiviimiittut amerlasuut, ima sivisutigismik Danmarkimiissimapput, Kalaallit Nunaanni qanigisaminnut attaveqarunnaarsimallutik imaluunnit parnaarussaaqqasut qanigisaat Nuup avataani ungasissumi najugaqarlutik.

AAMMA ATUARUK Pineqaatissinneqarsimasut Nuummut nuunnertik peqqissimissutigisinnaassavaat

-  Danskit immaqa ima eqqarsartarput, kalaaliugaanni Danmarkimilu parnaarussaaqqagaanni, qanorluunniit atugassaqartigaaluaraanni Kalaallit Nunaannut angerlarusuttoqartartoq, kisianni pissutsit piviusut taamaanngillat, Thomas Fredhøj oqarpoq. 

Kalaallit Danmarkimi parnaarussaaqqasut Kalaallit Nunaanni qanigisaminnut attaveqarnerisa patajaatsuunnginerata saniatigut, eqqarsartaatsimikkut imaluunniit nakorsaatitortinneqarnerminnik katsorsartiinnassanersut suli qulakkeerneqanngilaq.

Ilaatigut uani pineqarput, kinguaassiuutitigut pinerliisimasut taakkua tiinganaveersaarnissamut iisartagartortitaasut. 

Pinerluuteqarsimasunut inissiisarfik nutaaq Nuummiittussaq aappaagu maajip ulluisa aallaqqaataani 2019-imi ammarnissaa naatsorsuutigineqarpoq. 

AAMMA ATUARUK Qinnuteqartut katsorsaasinnaanissaat isumalluarfigaarput

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat