Parnaarussat arlallit ikuallagussaapput
Tunesiap illoqarfiisa ilaanni Monastirimi, parnaarussivik ikuallammat isertitat ikinnerpaamik 42-t ajunaarput.
Allattoq Apollo Jeremiassen
januaarip 15-at 2011 13:01
Ikuallattoqarnerani parnaarussarpassuit qimarrassimasut nutaarsiassaqartitsivik AP allappoq.
- Toqugasut timaat arlallit takusinnaavakka, parnaarussat amerlaqisut qimaasimapput aamma. Parnaarussivik tamarmi inniinnarsuuvoq, takunnittut ilaat Reutersimut taama telefonikkut nalunaarpoq.
Tunesiami eqqissiviilliortoqaleruttortoq parnaarussivik ikuallappoq.
Ukiuni 23-ni Tunesiami præsidentiusimasup, Zine el-Abidine Ben Ali-p naalakkersuisutut tunuarnissa, inuppassuit akerliussutsimik takutitsinermikkut piumasareqqammerpaat.
Ippassaq tallimanngormat, præsident Ben Ali, Saudi Arabiamut qimaavoq, sulili maanna tassa Tunesiami eqqissiviilliornerit ingerlapput.
