Australiamiu 31-nik ukiulik, Guantanamomi parnaarussaq, David Hicks, al-Qaedakkut USA-mut peqqarniisaarmata ikiorsimallugit nassuerpoq.
Cubami Guantanamo-basemi eqqartuussisoqarnerani nassuerneq pivoq.
David Hicks Guantanamomi parnaarussani taama immikkorluinnaq eqqartuussivimmi sassartinneqartuni siullersaavoq.
al-Qaedakkut najugaqarfigisaanni, immaqa tammaarsimaartarfianni, peqqarniisaarnissamut ilinniartinneqarsimasutut, taavalu USA-p Afghanistan 2001-imi saassummagu talebanikkunnut ilaasortanngorsimasutut, David Hicks unnerluutigineqarsimavoq.
David Hicksip pisuusutut nassuernini inuunini naallugu parnaarussaassutigisinnaavaa, unnerluussisussaatitaasulli ilaat oqarput, sivisunerpaamik ukiut 20-t pillagaanissaa immaqa ilimanarnerusoq.
Ilimagineqarpoq David Hicksip pillaatissaq atugassani nunamini Australiami atussagaa.