Assi: KNR

Parnaarussalerisut kattuffiat ministerimut saaffiginninniarpoq

Danmarkimi parnaarussalerisut kattuffiata Nuummi inissiisarfimmi atukkat pitsaanerulernissaat anguniarlugu Danmarkimi naalakkersuisut saaffiginiarpai.

Pinerluuteqarsimasunut Nuummi inissiisarfimmi pissutsit pitsaanerulissappata polikerit iliuuseqartariaqartut, parnaarussivilerisut kattuffiat isumaqarpoq. 

- Ministerimut attaveqassaagut, Kalaallit Nunaannilu Pinerluttunik isumaginnittoqarfiup makiseqqinniarnerani politikerinit ikiorneqarnissarput pisariaqartikkipput oqarluta, Danmarkimi parnaarussivilerisut kattuffiata siulittaasua, Bo Yde Sørensen, oqarpoq.

Immikkut paarisassanngorlugit eqqartuussat maannamut Herstedvesterimiissimasut akisussaaffigisussanngulerneranni inissiisarfimmi nakkutilliisunit 36-usunit 21-t suli ilinniartuusuunerat, kattuffiup isumakulunnarteqaa.

- Kalaallit Nunaannit angerlaruma sunngitsuusaaginnarsinaanngilanga, Bo Yde Sørensen Nuummi sapaatit akunneranni matumani tikeraartoq oqarpoq.

Sulisut kattuffiata politikerinut oqaasissaa ersarippoq: Sulisut naammattut sulisorineqalissappata kalaallit parnaarussivinni nakkutilliisut aningaasarsiaat qaffattariaqarput. 

Kalaallit Nunaannimi pineqaatissinneqarsimasunummi inissiisarfimmi nakkutilliisut aningaasarsiaat akileraareernani qaammammut 20.000 koruuniupput, aningaasarsialli immikkut paarisassanngorlugit eqqartuussanut nakkutiginninnermut naammanngilluinnarput.

Qallunaat inissiisarfimmi nakkutilliisut aningaasarsiaat naligineqalissappat Bo Yde Sørensenip siunnersuutigaa, tamannali Pinerlussimasunik isumaginnittoqarfimmiinnaq iliuuseqarfigineqarsinnaanngilaq.

- Kalaallit inissiisarfimmi nakkutilliisut aningaasarsiaasa qallunaat nakkutilliisut aningaasarsiaat naligilissappassuk millionit tallimat aningaasartuutaassapput. Tamannalu Kalallit Nunaanni immikkoortortaqarfimmi pisortap missingersuutinit matussuserniassappagu tamanna piviusorsiornerunngilaq.

Kalallit Nunaanni Pinerluuteqarsimasunik isumaginnittoqarfiup pisortaata, Naaja Nathanielsenip, sulisut peqatigiiffiat ilaatigut isumaqatigaa. Inissiisaarfik taama aningaasarsiaqartitsinermini amerlanerusunik atorfinitsitassaqanngitsoq, taanna naliliivoq:

- Aningaasarsiaritissinnaasagut inuillu atorfinitsissinnaasagut isigigutsigit, taava atorfinitsissinnaasagut tamakkerlugit ernummatigaara, Naaja Nathanielsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat