Parnaarussaanera sivitsorpaat
Tamatumunnga peqatigitillugu inuinnaat naalakkersueqataanissaannik anguniagaqartut siuttuannut tapersersuisut 20-t missaanniittut Yangoonimi siuttumik angerlarsimaffiata tungaanut ingerlaartillutik tigusarineqarsimapput.
Partip siuttuata tigummineqarnerata sivitsorneqarnera pivoq, qinersinerup ukiut 18-it matuma siornagut ingerlanneqartup ullorsiorneqarneranut atatillugu. Taamanikkut qinersinermi Aung San Suu Kyi-p partia ajugaasutut oqaatigineqaraluarpoq, tamannali sakkutuut kisermaassillutik naalakkersuisuusut akueriumanngilluinnarpaat.
Aung San Suu Kyi Nobelip Eqqissinermut suliniuteqartunut Nersornaasiuttagaanik nersornaasigaareersoq, maanna ukiuni aqqaneq-marlunni parnaarusimaneqareerpoq.