Peqqarniissaarniatut pasineqarlutik Vollsmosemi tigusarineqartut arfineq-marluusut tamarmik parnaarussimaneqarallassasut Østrelandsret ullaaq aalajangerpoq.
Odensemi byret-ip aalajangernera, pineqartut tallimat naammaginagu, Østrelandsretimut ingerlateqqikkaluarpaat iluatsinngitsumilli. Taama ritzau allappoq.
Danskit politiivisa isertortumik paasiniaasartuisa PET-p marlunngormat ullaassakut tigusarinninnerit ingerlappaat, taamanikkullu pasineqartut qulingiluat tigusarineqarput, maannamullu marluk pinngitsuutitaallutik iperagaasimapput, sinnerilu arfineq-marluk parnaarussimaneqarallartussatut eqqartuussivik aalajangerpoq.
Pasineqartut qaartartunik pilersitsiniarsarisimasutut PET-mit pisuutinneqarput.