Parken-imi dommer-imik saassussisoq iperagaasoq

Isikkamik arsarluni europami pissartanngorniiunnermi ippassaq Parken-imi København-imi Sverige-p Danmark-illu unammineranni arsaannermik unitsitsioq isiginnaariaq 29 –inik ukiulik ullaap tungaani København-imi eqqartuussivimmi akunnermik ataatsimik sivisutigisumik killisiorneqareerluni iperagaavoq, unnerluussisulli nakuusersimasutut pasilliineq atuutiinnarniarpaa.

Angut 29-inik ukiulik eqqartuussivimmut sassartinneqanermini inussamigut mattuteqarpoq, tigusarineqarnermi kingorna pakatsilluni iikkamut assani napisimagamiuk. Angut 29-inik ukiulik oqaluttuarsimavoq ualip ingerlanerani immiaaqqanik 15-iniit 20-inut amerlatigisunik imersimalluni, arsarnerlu minutsialunnguit naammasinnginerani assiaqusiunneqarsimasoq pukitsoq qulaallugu arsarnermi dommeriusoq tyskiusoq saassusimallugu aatsaannguummat qallunaat arsartartuisa ilaat aniseqqammeraa.

Aappaluttumik tunisisoqarnera aliatsaatigisimavara, angut nassuiaasimavoq, kissaammertartuusimavoq ajorsarnerluttuusimallunilu.

Angut 29-inik ukiulik qallunaat nunaanneersuuvoq, Sverige-mili Göteborg-imi najugaqarluni sulillunilu. siornatigut inatsisinik unioqqutitsisimannngilaq tamannalu pissutigalugu iperagaasimalluni.

Dansk Boldspil Union angummit 29-ini ukiulimmit taarsiiffigitinneqarnissamik piumasaqalersaarpoq. DBU, europami arsaattartut kattuffiannit Det Eurpæiske Fodbold Forbund-imit akiliisinneqarujussuarnissani naatsersuutigissavaa, immaqalugooq Parken-imi tulliani pissartanngorniulluni unammisoqarnerani isiginnaartoqarani arsaattoqarataannaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat