Assi: Camilla Dam/KNR

Parisip qiterpasissuani akerliussutsimik takutitsisut politiillu aporaapput

Inuit tuusintilikkaat Parisimi akerliussutsiminnik ullumi takutitsipput, præsidentip Emmanuel Macronip tunuarnissaa piumasaralugu.

Akerliussutsiminnik takutitsisut politiillu aporaapput, 65-it aqqunartiterlutik, inuillu 140-t tigusarineqarlutik.

Parisip qiterpasissuani Triumfbuenip nalaani aporaattoqarpoq, akerliussutsiminnillu takutitsisut ujaqqanik ilaatigut milloorlutik.

Akerliussutsiminnik takutitsisut Champs-Élysées-p nalaani katersuussimapput, benzinap akiisa qaffakkaluttuinnarnera akerleralugu. Frankrigip nunamut namminermut ministeria Christophe Castaner Twitterikkut taama ilisimatitsivoq.

Frankrigimi illoqarfinni allani aamma akerliussutsimik takutitsisoqarpoq, inuit 36.000-it akerliussutsiminnik takutitsisut nalunaarutigineqarluni, soorlu aamma Belgiap illoqarfiisa pingaarnersaanni Bruxellesimi akerliussutsimik takutitsisoqartoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat